Bu gün İranın Məşhəd şəhərində İmam Əli ibn Musanın (İmam Rza) doğum günü münasibətilə Orta Şərqdə ən böyük dirijabl səmaya buraxılıb. Məlumatı Mehr informasiya agentliyi yayıb.
"Bu dirijabl Xorasan əyalətinin rəhbəri Rezavi və dövlət aviaşirkətinin dəstəyi ilə hazırlanıb, - Məşhəddəki beynəlxalq sərgi şirkətinin direktoru Məhəmməd Seyyidi deyib. - Məşhəd İranın dini mərkəzidir".
3500 kubmetrlik və 4 nəfər üçün nəzərdə tutulmuş dirijabl İranın bütün hava limanlarından havaya qalxa və uzaq məsafələrə uçuşlar edə bilər.
İmam Rza hicrətin 148-ci ilində Zülqədə ayında Mədinə şəhərində anadan olub. İmamın anası - Nəcmiyyə öz dövrünün ən görkəmli və ziyalı qadınlarından olub. İmam Rza lap uşaq vaxtlarından sübut edib ki, o, sonuncu peyğəmbər olan Məhəmməd peyğəmbərin nəslinin layiqli davamçısıdır. İmam Rza 55 yaşında vəfat edib. O, Məşhəddə dəfn edilib.
Prezident Mahmud Əhmədinejat və İran Parlamentinin 180 nümayəndəsi 12 imamdan səkkizincisi olan İmam Rzanın doğum günü münasibətilə Məşhədə yollanıblar.