Azərbaycan, Bakı, 24 dekabr / Trend /
Tehran şəhər Mülki İşlər üzrə Məhkəmənin sədri Cavad Sadiqi İranda boşanmış qadınların sayının 6 milyon nəfərə çatdığını bildirib. Bu barədə Trend İranın MEHR xəbər agentliyinə istinadən məlumat yayıb.
"Ailə eşq və məhəbbət mərkəzi olmalıdır, lakin təssüflər olsun ki, ölkəmizdə müxtəlif səbəblərdən ailələr tez sarsılır və zəifləyir", - deyə Sadiqi İranın Məsləhət Şurasının ötən gün keçirilən iclasında bildirib.
Sadiqi bu problemin həlli üçün ölkə səviyyəsində strateji proqram hazırlanmasını təklif edib.