Gürcüstan, Tbilisi, 2 mart / Trend , müxbir N.Kirsxaliya/
Martın 2-si saat 13.00-da Batumidə Xəstəliklərə Nəzarət və İctimai Səhiyyə Milli Mərkəzinin Acarıstan filialının yeni qurulan laboratoriyasının rəsmi açılışı olacaq.
Xəstəliklərə Nəzarət Milli Mərkəzindən Trend -a verilən məlumata əsasən, laboratoriya ABŞ hökumətinin təhlükənin azaldılmasına dair proqramı çərçivəsində və Gürcüstanın Sosial Müdafiə, Səhiyyə və Əmək Nazirliyi və Təhlükənin Azaldılması üzrə Agentlik tərəfindən bərpa olunub.
Laboratoriya ölkədə ictimai səhiyyənin laborator gücünün gələcək inkişafına böyük imkan verəcək ki, bu da ölkədə və regionda yoluxucu xəstəliklərin müasir və dəqiq diaqnozu yolu ilə epidemoloji vəziyyəti xeyli yaxşılaşdırmağa imkan verəcək.
Batumidə laboratoriyanın açılışında Acarıstan və Gürcüstanın səhiyyə nazirləri, ABŞ səfiri Con Bas və digər rəsmi şəxslər iştirak edəcək.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
