İran sərhədlərin möhkəmləndirilməsi və onların təhlükəsizliyinin təmin olunması üçün büdcədən 100 milyon dollar ayıracaq. Bu barədə İİR DİN rəhbəri Mustafa Məhəmməd Nəccar bəyan edib, - İRNA informasiya agentliyi məlumat verir.
Nəccar son aylar aparılan sərhədlərin möhkəmləndirilməsi üzrə işləri qənaətbəxş qiymətləndirib.
"Sərhədlərin təhlükəsizliyinin təmin olunması layihəsi hazırlanıb, onun həyata keçirilməsinə yaxın vaxtlarda başlanacaq", - o deyib.
Nəccar əlavə edib ki, bu layihənin yerinə yetirilməsi İran hüdudlarında sərhədlərin möhkəmləndirilməsi, onların yenilənməsi və təhlükəsizliyinin tam təmin olunması prosesini sürətləndirəcək.
...