İran Parlamentinin xarici siyasət komissiyasının rəhbəri Hüseyn İbrahimi deyib ki, Rusiyanın İrana qarşı mövqeyi strateji deyil, taktikidir və Moskva tərəfindən Qərblə yaxınlaşmaq üçün bir vasitə hesab olunur, - MEHR xəbər agentliyi məlumat verir.
O, əlavə edib ki, Rusiya öz mənfəəti üçün əlverişli tərəfə hərəkət edir.
İTAR-TASS agentliyinin yaydığı məlumata əsasən, iyunun 5-də Rusiya Prezidenti Dmitri Medvedev Almaniya Federativ Respublikasının kansleri Angel Merkellə apardığı danışıqların yekununa həsr olunmuş mətbuat konfransında bildirib ki, İran haqqında sanksiyanın qəbul edilməsi barədə danışıqlar əldə edilib.