Netanyahu fələstinliləri danışıqları davam etdirməyə çağırıb (ƏLAVƏ OLUNUB)
RED.: ƏLAVƏSİ: bəkqraund əlavə ounub (dördüncü abzas)
İsrailin Baş naziri Benyamin Netanyahu bazar ertəsi Fələstin Milli Administrasiyasının rəhbəri Mahmud Abbası sülh danışıqlarını davam etdirməyə çağırıb. Bu barədə "Sinxua" agentliyi məlumat verir.
Bəyanat İsrailin qərb sahilində yəhudi məskənlərinin tikintisinə qoyulan 10 aylıq qadağanın başa çatmasından dərhal sonra səsləndirilib.
Netanyahu Abbasa müraciət edərək, "Xalqlarımız arasında tarixi sülh sazişinin əldə olunması məqsədilə yenicə başladığımız yaxşı və düzgün danışıqları davam etdirməyə" çağırır. Baş nazirin bəyanatında belə deyilir.
Bazar günü Mahmud Abbas bildirib ki, məskənlərin inşası davam etdiriləcəyi təqdirdə, İsraillə birbaşa danışıqların taleyi haqqında qərar Fələstin Azadlıq Hərəkatı və Ərəb Dövlətləri Liqası ilə məsləhətləşmələrdən sonra qəbul ediləcək.