Liviya başçısı Müəmmər Qəddafinin oğlu Seyf əl-İslam müxalifətə artıq bazar ertəsindən demokratik islahatlara dair dialoqa başlamaq təklif edib. Bunu o, Liviyanın dövlət televiziyasında çıxışında deyib.
"Biz Liviyada görünməmiş islahatların həyata keçirilməsi şansından istifadə etməliyik" deyə Seyf əl-İslam bildirib.
Onun sözlərinə görə, ölkənin bütövlüyü və hətta mövcudluğuna təhlükə yaranıb.
Seyf əl-İslam onu da qeyd edib ki, Liviya ordusu Müəmmər Qəddafini qanının son damlasına qədər müdafiə edəcək.
Liviyanın əyalətlərində fevralın 15-dən Qəddafi və digər yüksəkvəzifəli məmurların istefası tələbilə etiraz aksiyaları davam edir. Associated Press agentliyinin məlumatına görə, polis tərəfindən ən azı 200 nəfər etirazçı öldürülüb.