Mahaçqalada baş vermiş iki partlayışda xəsarət alanların sayı 21-ə çatıb. Bu barədə RİA Novosti agentliyinə Dağıstanın hüquq-mühafizə orqanlarından məlumat verilib.
Hər iki partlayış şəhərin mərkəzi meydanı yaxınlığında Yermoşkin və Daxadayev küçələrinin tinində 15 dəqiqə fərqlə baş verib. Hər iki partlayıcı qurğu avtomobillərin altında və ya içərisində olub.
Xəsarət alanlardan 17-si polis, 4-ü isə mülki şəxsdir.