Azərbaycan, Bakı, 30 oktyabr / Trend /
Fələstinin "İslam Cihadı" radikal qruplaşması Qəzzaya aviazərbələri davam edəcəyi təqdirdə İsrailə cavab verəcək. Trend-in məlumatına görə, bu barədə bazar günü RİA Novosti-yə qruplaşmadan olan mənbə bildirib.
"Biz razılaşmışıq ki sakitliyi qoruyacıq, lakin bu İsrailin Qəzzaya hücumu zamanı bizim dinc oturacağımız demək deyil", - mənbə bildirib.
Frans Press bildirir ki, İsrail hərbi aviasiyasının ötən gün Qəzza zolağını bombalaması nəticəsində doqquz fələstinli həlak olub.
Bu, HƏMAS və İsrail arasında əsirlərin dəyişdirilməsi ilə bağlı oktyabrın 18-də əldə olunmuş danışıqlardan sonra ilk qurbanlardır.