Azərbaycan, Bakı, 21 mart /Trend, müxbir R.Hafizoğlu/
Türkiyənin Baş naziri Rəcəb Tayyib Ərdoğan Novruz bayramı münasibətilə türk dünyasını təbrik edib. Trend-in məlumatına görə, bu barədə Türkiyənin TRT Haber telekanalı məlumat verib.
"Novruz dünyada sülhün, qardaşlığın simvoludur", - Ərdoğan bildirib.
Bu gün Türkiyənin bir çox şəhərlərində rəsmi olaraq Novruz şənliklərinə start verilib. Novruz şənlikləri ölkənin İstambul, Ankara, İğdır və bir sıra böyük şəhərlərində keçirilir. Şənliklər keçirilən şəhərlərdə polis gücləndirilmiş iş rejiminə keçib.