Azərbaycan, Bakı, 21 mart / Trend, müxbir R.Hafizoğlu /
Türkiyənin Milliyətçi Hərəkat Partiyasının (MHP) lideri Dövlət Baxçalı Əfqanıstandakı türk ordusunun bu ölkədən geri çağırılmasının vacibliyini bildirib. Trend-in məlumatına görə, bu barədə Türkiyənin TRT Haber telekanalı məlumat verib.
"Türkiyə tez bir zamanda Əfqanıstandakı sülhməramlılarını geri çağırmalıdır", - Baxçalı deyib.
Martın 16-da Əfqanıstanda hərbi helikopter qəzaya uğrayıb. Nəticədə 12 türk sülhməramlı həlak olub. Qəzaya uğrayan helikopter NATO-nun Əfqanıstandakı koalisiyası ISAF-a məxsus olub. Helikopterin qəzaya uğraması səbəbləri hələlik məlum deyil.
Əfqanıstanda həlak olan tük sülhməramlıların cəsədləri Türkiyəyə gətirilib və dəfn olunub.