Azərbaycan, Bakı, 30 may /Trend, müxbirlər E.Tariverdiyeva, T. Cəfərov/
İran bu ilin iyulunda içində meymun olan 300 kiloqramlıq kapsul ilə "Kavoshgar-5" kosmik raketini buraxacaq. Trend-in IRNA agentliyinə istinadən verdiyi məlumata görə, bu barədə İran Kosmik Agentliyinin rəhbəri Həmid Fazeli bildirib.
O əlavə edib ki, hazırda meymun qarşıdakı buraxılışa xüsusi hazırlıq keçir.
İlk peykini 2009-cu ildə orbitə buraxan İran 2010-cu ildə "Kavoshgar-3" raketinin göyərtəsində kosmosa artıq siçovullar, tısbağalar və soxulcanlar göndərib. İran meymun ilə birlikdə yeni kosmik layihəni 2011-ci ildə təqdim edib. Bu layihə 2020-ci ildə kosmosa insan göndərməyə hazırlıq məqsədi daşıyır.
"Fəcr" peykinin buraxılmasından danışan Fazeli bəyan edib ki, peyki yaxın müddətdə orbitə çıxarmaq üçün lazımi işlər aparılır.