Azərbaycan, Bakı, 20 dekabr /Trend/
Cümə axşamı səhər İstanbulda Boğaziçi körpüsündə ağır yol qəzası baş verib. Trend-in məlumatına görə, bu barədə "TRT Haber" xəbər yayıb.
İlkin məlumatlara görə, qəza nəticəsində ölən və yaralananlar var. Hadisə yerində təcili yardım briqadaları çalışır. Yol qəzası ilə əlaqədar Avropa və Asiyanı birləşdirən körpü üzərində hər iki istiqamətdə yol bağlanıb.
Qəzaya yolun buz bağlamasının səbəb olduğu ehtimal edilir.
Hadisənin təfərrüatları araşdırılır.