Azərbaycan, Bakı, 27 noyabr /Trend/
ABŞ-ın dövlət katibi Con Kerri yaxın vaxtlarda İsrailə səfər etmək niyyətindədir. Trend İTAR-TASS agentliyinə istinadən xəbər verir ki, bu barədə çərşənbə axşamı ABŞ Dövlət Departamentinin rəsmisi Cen Psaki bildirib.
"Biz planın son detalları üzərində hələ də işləyirik", - Psaki qeyd edib.
O, həmçinin təsdiq edib ki, yaxın vaxtlarda İsrail Baş nazirinin milli təhlükəsizlik üzrə müşaviri Yossi Koenin rəhbərlik etdiyi nümayəndə heyəti ABŞ-a səfər edəcək: "Güman edirəm ki, bu, gələn ayın əvvəlində baş verəcək".