Azərbaycan, Bakı, 25 iyun/Trend/
İspaniyanın "Real" Madrid komandasının keçmiş futbolçusu Zinəddin Zidan klubun gənclər komandası "Kastilya"nı çalışdıracaq.
Trend-in klubun saytına istinadən verdiyi məlumata görə, 1998-ci ildə "Qızıl topa" sahib çıxmış fransız 2010-cu ildən madridlilərin strukturunda çalışır. Ötən mövsüm o, Karlo Ançelottinin köməkçisi olub, bu yay isə "Bordo"nun məşqçisi olmaqdan imtina edib.
Zidanın anasının familiyasını daşıyan 19 yaşlı oğlu Entso Fernandes də klubun gənclər komandasında oynayır.