Azərbaycan, Bakı, 2 avqust /Trend/
Qeyd olunan qərar Tehranın nüvə proqramı üzrə "altılıq" (BMT TŞ-nin daimi üzvləri və Almaniya) ilə danışıqlarda əldə olunan tərəqqi ilə əlaqədar qəbul olunub. Trend İTAR-TASS agentliyinə istinadən bu barədə məlumat verir.
Müvafiq sənədlər ABŞ-ın federal registrində dərc olunub.
İranın neft-kimya məhsullarının alınmasına, xüsusilə İran Milli Neft Şirkəti və İran Milli Tanker Şirkətindən müvəqqəti qadağa götürülüb. Qadağa əvvəlki kimi yalnız ABŞ maliyyə nazirliyinin xüsusi siyahısına daxil edilən ayrı-ayrı şirkətlərə aiddir.
Bundan başqa, amerikalılara İrana ölkənin mülki aviasiya təyyarələrinin təhlükəsiz uçuşlarının təmin olunması və təmiri üçün ehtiyat hissələrinin satışına yenidən icazə verilib, xüsusən Iran Аir ilə sövdələşmək.
Bu zaman sənədlərdə qeyd olunur ki, qəbul edilmiş qərarlar yalnız 2014-cü ilin yanvarın 20-dən noyabrın 24-dək olan dövrə aiddir.
"ABŞ-ın hakimiyyət orqanları və profil müəssisələri öz səlahiyyətləri daxilində həmin bildirişin həyata keçirilməsi üçün bütün müvafiq tədbirləri görməlidirlər", - mətndə deyilir.