Azərbaycan, Bakı, 29 noyabr /Trend, müxbir Rufiz Hafizoğlu/
Roma Papası Fransisk İstanbuldakı Sultan Əhməd məscidini ziyarət edib. Bu barədə Trend "TRT Haber" telekanalına istinadən məlumat verir.
Həmçinin, bu gün Papanın xristian məbədlərindən biri hesab edilən Aya Sofiya Muzey-Məscidini ziyarət edəcəyi gözlənilir.
Roma Papası Fransisk Türkiyəyə səfər edən dördüncü Roma Papasıdır.
Bunadək Türkiyəyə Papa VI Pavel (1967-ci il), Papa II İohan Pavel (1979) və Papa XVI Benedikt (2006) səfər etmişdi.