Azərbaycan, Bakı, 6 yanvar /Trend, müxbir Məftun Salmanov/
Fransa Prezidenti Fransua Ollandın sabiq həyat yoldaşı Valeri Trierveylerin "Bu an üçün təşəkkürlər" ("Merci pour ce moment") adlı kitabı əsasında film çəkiləcək.
Trend-in Türkiyənin "Sabah" qəzetinə istinadən verdiyi məlumata görə, keçmiş birinci xanımın yaxın rəfiqəsi, aktrisa-prodüser Səidə Cavad ötən il Fransada ən çox satılan əsəri ekranlaşdıracaq.
S.Cavad filmin Fransa və beynəlxalq şirkətlərlə müştərək çəkiləcəyini bildirib.
Qeyd edək ki, 12 dilə tərcüme olunan və 2014-cü ildə 650 mindən çox nüsxəsi satılan kitab cütlüyün münasibətlərindən bəhs edir.