Məlumat yenilənib (ilk xəbər saat 00:13-də yayılıb)
Azərbaycan, Bakı, 13 avqust /Trend/
Çinin liman şəhəri Tyantsində güclü partlayış baş verib, 42 nəfər ölüb, 400-ə yaxın nəfər yaralanıb.
Trend-in The Associated Press agentliyinə istinadən verdiyi xəbərə görə, partlayış yerli vaxtla saat 23:30-da baş verib. Məlumata əsasən, partlayış tez alovlanan maddələrin yerləşdiyi ambarda baş verib.
Qeyd edək ki, Çinin ən iri şəhərlərindən biri olan Tyantsin paytaxt Pekindən 200 km aralıda yerləşir.