...

İranda sabiq nazirin oğlu həbs olundu

Dünya xəbərləri Materials 18 Noyabr 2015 23:09 (UTC +04:00)
İranın sabiq mədəniyyət və islami irşad naziri Ətaullah Mühaciraninin oğlu Məhəmməd Möhsin Mühacirani həbs olunub.
İranda sabiq nazirin oğlu həbs olundu

Trend-i buradan izləyin

İran, Tehran. Təmkin Cəfərov - Trend:

İranın sabiq mədəniyyət və islami irşad naziri Ətaullah Mühaciraninin oğlu Məhəmməd Möhsin Mühacirani həbs olunub.

Trend-in Fars agentliyinə istinadən verdiyi məlumata görə, həbs olunan şəxs rüşvətxorluqda və 87 milyon dollar dəyərində itmiş neft platformasına dair cinayət işində ittiham olunur.

Qeyd edək ki, ötən il İranın Dəniz Təhsisatları Şirkətina məxsus və dəyəri 87 milyon dollar olan neft platformasının itməsinə dair xəbərlər ölkənin saytlarında yayımlanmışdı.

İran parlamentinin enerji komissiyası bu şirkəti yoxlamağa başladı və bu şirkətin iki direktoru haqqında cinayət işi açıldı. Altı ay sonra İranın məhkəmə sisteminin sözçüsü Qulam Hüseyn Möhsini Əjeyi həmin cinayət işi ilə əlaqədar bir nəfərin həbs olunduğunu elan etdi.

Sabiq nazir Ətaullah Mühacirani hazırda Londonda yaşayır. O, prezident Məhəmməd Xatəminin prezidentliyi dövründə mədəniyyət naziri vəzifəsində çalışıb.

Məqalədə:
Xəbər lenti

Xəbər lenti