Bakı. Trend:
Qazaxıstanın polis və xüsusi xidmət orqanları Aktobe şəhərində silah dükanları və hərbi hissəyə hücum etməkdə şübhəli bilinən 6 nəfərin axtarışını davam etdirir.
Trend-in TASS agentliyinə istinadən verdiyi məlumata görə, bunu Qazaxıstan Daxili işlər nazirliyinin rəsmisi Almas Sadubayev bildirib.
"Hadisə ilə əlaqədar əməliyyat-axtarış tədbirləri davam etdirilir. 6 nəfər axtarışdadır", A.Sadubayev bildirib.
Qeyd edək ki, iyunun 5-də Aktobe şəhərində baş vermiş silahlı insident nəticəsində 3-ü hərbi qulluqçu olmaqla 7 nəfər ölüb.