Bakı. Trend:
Rusiya Prezidenti Vladimir Putin milli valyutanın xammal bazarlarındakı dəyişkənliyə baxmayaraq, möhkəmlənməsini vurğulayıb və Baş nazir Dmitri Medvedevə bu faktorlar nəzərə alınmaqla gələcək addımları müzakirə etməyi təklif edib.
Trend-in RİA Novosti-yə istinadən verdiyi məlumata görə, V.Putin iqtisadiyyatın real sektoruna, kiçik və orta biznesə dəstəyi nəzərdə tutan plan üzərində iş getdiyini bildirib.
Onun sözlərinə görə, bu, sahibkarlar sinfi və qeyri-xammal ixracı üçün hazırda çox mühümdür: “Hökumət hazırda büdcə üzərində fəal işləməyə başlayır, üçillik planlaşdırmaya qayıdırıq. Ümid edirəm ki, bütün bu amillər yaxın və ortamüddətli perspektivdə nəzərə alınacaq”.