Bakı. Elçin Hüseynov - Trend:
Bort baxıcılarının bir həftə keçirdikləri tətil "Air France" aviaşirkətinə 90 milyon avro ziyan vurub.
Trend TASS-a istinadən xəbər verir ki, bu barədə Fransa aviaşirkətinin rəhbəri Frederik Gaje bildirib.
O deyib ki, keçən çərşənbə axşamından başlayan tətil aviaşirkətin 2016-ci ilki göstəricilərinə olduqca mənfi təsir göstərəcək. Eyni zamanda, o qeyd edib ki, buna baxmayaraq "Air France"in mənfəəti 2015-ci ildəki kimi müsbət olaraq qalacaq.
Çərşənbə günü başa çatması gözlənilən tətillərə görə, aviaşirkət hər gün 20 %-ə qədər uçuşlarını ləğv etmək məcburiyyətindədir. Tətillərin səbəbi isə şirkət və işçi arasında bağlanan əmək müqavilələrinin şərtlərindən olan narazılıqlardır.