Bakı. Trend:
Yakutiyada regional xarakterli fövqəladə vəziyyət elan olunub. Trend-in məlumatına görə, bu barədə Saxa Respublikasının (Yakutiya) başçısı Eqor Borisov sərəncam imzalayıb.
Sərəncama görə, fövqəladə vəziyyət kəskin xarakter almış meşə yanğınları səbəbindən iyulun 3-dən qüvvəyə minir.
Respublika ərazisində meşə yanğınları ilə bağlı son məlumata görə, yanğınlar 9 rayonda 613,6 ha sahəni əhatə edib. Yanğınların qarşısının alınmasına 688 nəfər və 58 texinka cəlb olunub.