Bakı. Trend:
Misir təhlükəsizlik qüvvələri Sinay yarımadasında aparılan hərbi əməliyyat zamanı 30 terrorçunu məhv ediblər.
Trend-in "TASS"a istinadən verdiyi məlumata görə, terrorçular yarımadanın mərkəzində yerləşən Er-Risan kəndində zərərsizləşdiriliblər.
Hazırda xüsusi xidmət orqanları terrorçuların terror aktını hazırladıqları düşərgələrinin axtarışını aparırlar.
Qeyd edək ki, bu gün Misirin Sinay yarmadasında terrorçuların məscidə hücumu nəticəsində 235 nəfər ölüb, 120-dən çox adamın isə yaralandığı bildirilir.