Bakı. Trend:
Kanadanın Britaniya Kolumbiyası əyalətində fermada 42 nəfər dəm qazından zəhərlənib.
Trend-in "TASS"a istinadən verdiyi məlumata görə, zəhərlənənlər xəstəxanalara yerləşdirilib və onlardan 10-nun vəziyyəti ağır qiymətləndirilir.
Məlumata əsasən, insident Delta şəhərinin fermalarından birinin istixanasında baş verib.
Qeyd edək ki, Delta şəhəri Britaniya Kolumbiyası əyalətinin ın böyük şəhəri olan Vankuverdən 30 kilometr cənubda yerləşir.