Bakı. Trend:
Türkiyə Silahlı Qüvvələri Suriyanın Afrin şəhərinə yaxınlaşan terrorçuların konvoyuna zərbələr endirib.
Trend-in türk mediasına istinadən verdiyi məlumata əsasən, PYD/YPG, PKK və İŞİD terrorçularına aid konvoy Afrindən 15 km məsafədə olub.
Müəyyən edilib ki, 30-40 avtomobildən ibarət konvoy silah-sursat daşıyırdı.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD və YPG terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.