Bakı. Trend:
ABŞ-ın Moskvadakı səfiri Con Hantsman 2018-ci ildə Birləşmiş Ştatlarla Rusiya arasında münasibətlərin yaxşılaşacağına ümid edir.
Trend-in məlumatına görə, Kazan Tibb Universitetinin tələbələri ilə görüşündə sanksiyalara toxunan diplomat qeyd edib:
"Sanksiyalar iki ölkənin münasibətlərində yaranmış problemlər nəticəsində tətbiq olundu. Biz bu problemləri tədricən həll edəcəyik. Bu mənada mən 2018-ci ilə nikbin baxıram".
Səfirin sözlərinə görə, hərdən televizora baxanda elə təəssürat yaranır ki, sanki Rusiya və ABŞ-ın dalaşmaqdan başqa bir işləri qalmayıb:
"Lakin sanksiyalara rəğmən, iki ölkə elm və biznes sahəsində də əməkdaşlıq edə bilər".
Xatırladaq ki, ötən gün ABŞ-ın maliyyə naziri Stiven Mnuçin 30 gün ərzində Moskvaya qarşı yeni məhdudlaşdırıcı tədbirlərin görüləcəyini bildirib.