Bakı. Trend:
Hondurasda "Gulfstream G200" sərnişin təyyarəsi eniş edərkən zolağdan çıxıb və qəzaya uğrayıb.
Trend-in "RİA Novosti"yə istinadən verdiyi məlumata görə, təyyarənin Tonkontin hava limanında qəzaya uğraması nəticəsində 6 ABŞ vətəndaşı xəsarət alıb. Xəsarət alanlar xəstəxanaya yerləşdirilib. Təyyarəyə ciddi ziyan dəyib.
İnsidentdən sonra Tequsiqalpe şəhərindən yerləşən hava limanı bağlanıb. Hazırda gələn reyslər San-Pedro-Sula hava limanına yönəldilir, uçuşlar isə dayandırılıb.
Ekspertlər təyyarənin qara qutusunu aşkar edib. Qəzanın pilotun səhvi üzündən baş verdiyi bildirilir.