...

İran İraqa gündəlik 45 milyon dollarlıq məhsul ixrac edir

Dünya xəbərləri Materials 16 Dekabr 2018 03:28 (UTC +04:00)
İran gündəlik təxminən 45 milyon dollar dəyərində, bəzi hallarda 70 milyon dollara qədər məhsulu İraqa ixrac edir.
İran İraqa gündəlik 45 milyon dollarlıq məhsul ixrac edir

Trend-i buradan izləyin

Bakı. Elnur Bağışov - Trend:

İran gündəlik təxminən 45 milyon dollar dəyərində, bəzi hallarda 70 milyon dollara qədər məhsulu İraqa ixrac edir.

Trend-in məlumatına görə, bunu İran-İraq Birgə Ticarət Palatasının baş katibi Həmid Hüseyni deyib.

Onun sözlərinə görə, İraq şirkətləri neft-qaz sahələrində podratçı formasında əməkdaşlığa dəvət olunub. Buna əsasən İran şirkətləri İraq şirkətlərinin adı altında tenderlərdə iştirak edir və bu vasitə ilə iraqın neft-qaz, texniki və mühəndislik layihələrində iştirak edirlər.

Hüseyni əlavə edib: "İraq tenderlərdə podratçı layihələrin 20-30-ni yerli şirkətlərə verir. Bu şirkətlərin həmin layihələri icra etmək üçün lazımi potensialı yoxdur. İran şirkətləri onlarla əməkdaşlıq yolu ilə İraq layihələrinə daxil ola bilər.

“Hal-hazırda İraqda neft-qaz layihələrinin əksəriyyəti Avropa və Çin şirkətlərinin əlindədir. İran şirkətləri tenderlərdə iştirak edib qalib gəlsələr də, bu ölkədə fəaliyyət imkanı əldə edə bilməyiblər” –, deyə o bildirib.

Hüseyni əlavə edib ki, İraq bazarında münasib səviyyədə iştirak etmək üçün iraqlıların məhsulu almaq üçün müraciət edəcəklərini gözləməmək lazımdır. "Bu ölkənin istehsalında iştirak etmək lazımdır".

İran-İraq Birgə Ticarət Palatasının bildirib ki , kənd təsərrüfatı məhsullarının ixracı sahəsində iki ölkə arasında anlaşma sənədləri imzalanmalıdır: "İraq rəsmiləri bunun gerçəkləşməsini istəyirlər. Lakin İranın hökumət rəsmiləri ilə aparılan müzakirələrə əsasən, iranlı rəsmilər İraq rəsmilərinin İrana dəvət olunduqlarını, lakin gəlmədiklərini deyirlər. Bu məsələyə diqqət yetirmək lazımdır ki, İran öz məhsulunu ixrac etmək istəyir, ona görə də ilk addımı atmalıdır".

Məqalədə:
Xəbər lenti

Xəbər lenti