Bakı. Elnur Bağışov - Trend:
İranın İraqdakı səfirliyi bu gündən etibarən İraq vətəndaşlarına pulsuz vizanın veriləcəyini bildirib.
Trend-in məlumatına görə, bu, İranın İraqdakı səfirliyinin verdiyi bəyanatda əks olunub.
Səfirlik bildirir ki, İran Prezidentinin İraq səfərində əldə olunan razılığa, eləcə də İran Xarici İşlər Nazirliyinin hər iki ölkə vətəndaşlarının vizasının sadələşdirilməsinə (pulsuz viza) dair bildirişinə əsasən səfirlik və bütün konsulluqlar 1 aprel tarixindən İrana səfər etmək istəyən İraq vətəndaşlarına pulsuz viza veriləcək.