Bakı. Trend:
İsveçin Rusiyaya münasibəti iki istiqamətdədir. Bir tərəfdən krallıq Aİ-nin anti-Rusiya sanksiyalarını dəstəkləməli, digər tərəfdən isə Rusiya ilə birbaşa təmaslarını davam etdirməlidir.
Trend-in məlumatına görə, bu fikirləri İsveçin xarici işlər naziri Marqot Vallstryom səsləndirib.
Nazir əlavə edib: "İkitərəfli münasibətlər tanqonu xatırladır - bir addım irəli, iki və ya üç addım yana, bəzən bir qədər gözlənilməz. İsveç və Rusiya arasında isə bu, bir qədər dramatik rəqsdir".
Nazir onu da qeyd edib ki, İsveç Aİ-nin sanksiyalar xəttini dəstəkləməyə davam edəcək.