Bakı. Trend:
Səudiyyə Ərəbistanın hava hücumundan müdafiə qüvvələri "Ənsar Allah" hərəkatından (husilər) olan Yəmən üsyançıları tərəfindən atılan pilotsuz uçuş aparatını vurublar.
Trend-in məlumatına görə, bunu Yəməndə vuruşan ərəb koalisiyasının nümayəndəsi Turki əl-Maliki deyib.
Turki əl-Malikinin sözlərinə görə, husilərin cinayətkar təşkilatı mülki obyektlərə zərbə vurmağa cəhd göstərib:
"Krallığın HHQ qüvvələri hücumu dəf edə bilib və husilər tərəfindən Cizana istiqamətində yönləndirilmiş pilotsuz uçuş aparatını vurub".