Bakı. Trend:
Yaponiyanın Fukuoka şəhərinin hava limanında “Boeing 767” təyyarəsi yanan mühərriklə eniş etməli olub.
Trend-in məlumatına görə, Fukuokadan paytaxt Tokioya hərəkət edən təyyarənin mühərriki havada yanmağa başlayıb.
Nəticədə təyyarə havaya qalxdıqdan bir saat sonra geri qayıtmalı olub. Eniş uğurla baş tutub.
Təyyarədə 278 sərnişin və heyət üzvü olub, heç kim xəsarət almayıb.