Bakı. Trend:
Çində yeni koronavirus qurbanlarının sayı 3 012 nəfər təşkil edib, 52 mindən çox insan sağalıb, virusa yoluxmuş insanların sayı 80,4 min nəfəri keçib.
Trend-in məlumatına görə, bu barədə Çinin Gigiyena və Səhiyyə məsələri üzrə Dövlət Komitəsi bildirib.
Martın 4-də Komitə 80,2 mindən çox yoluxmuş insanlar, 2981 ölən və 49,8 mindən çox sağalmış şəxs haqqında məlumat vermişdi. Gündəlik aşkar olunan yeni yoluxma hallarının sayı 20 nəfər artaraq 139-a çatıb, ötən gündə qeydə alınan ölüm hadisələrinin sayı yeddi nəfər azalaraq 31-ə enib. 2189 nəfər sağalaraq evə buraxılıb.
Yenilənmiş məlumatlara görə, ölkədə koronavirusdan rəsmi ölüm nisbəti bir gün əvvəl 3.71% əvəzinə 3.74% təşkil edir.