Bakı. Trend:
Rusiyaya məxsus "Su-27" qırıcı təyyarəsi Qara dəniz üzərində radarlardan itib, ilkin məlumatlara əsasən təyyarə dənizə düşüb.
Trend-in "TASS"a istinadən verdiyi məlumata görə, bu barədə jurnalistlərə Rusiyanın Müdafiə Nazirliyindən bildiriblər.
Məlumata əsasən, insident martın 25-i yerli vaxtla saat 20:10 radələrində Feodosiyadan 50 kilometr aralıda baş verib.
Bildirilir ki, pilotun axtarışlarına Cənub Hərbi Dairəsinin axtarış-xilasetmə xidmətinin qüvvə və vasitələri cəlb edilib: "An-26" təyyarəsi və "Mi-8" helikopteri.