Bakı. Trend:
Yaponiyanın paytaxtı Tokioda sutka ərzində koronavirusa yoluxma üzrə son bir ayın ən yüksək göstəricisi qeydə alınıb.
Trend-in məlumatına görə, son sutkada paytaxtda 55 yoluxma qeydə alınıb. Bu, mayın 5-dən sonra ən yüksək göstəricidir.
Şəhər rəhbərliyinin sözlərinə görə, yoluxanların əksəriyyəti əyləncə və ictimai iaşə müəssisələrinin müştəriləri olub.
Qeyd edək ki, bu günədək Yaponiyada koronavirusa yoluxanların sayı 19 minə çatıb, 980 nəfər həyatını itirib.