...

Ermənistan parlamentində yeni baş nazirin seçilməsi üçün ikinci səsvermə keçiriləcək

Dünya xəbərləri Materials 10 May 2021 02:31 (UTC +04:00)
Ermənistan parlamentində yeni baş nazirin seçilməsi üçün ikinci səsvermə keçiriləcək

Trend-i buradan izləyin

Bakı. Trend:

Bu gün Ermənistan Milli Məclisi (parlament) xüsusi iclas zamanı yeni baş nazirin seçilməsi məsələsinə yenidən baxacaq.

Bu barədə Trend "TASS"a istinadən xəbər verir.

Ermənistanın baş naziri vəzifəsini icra edən Nikol Paşinyan daha əvvəl bildirib ki, deputatlar siyasi razılaşmanı nəzərə alaraq ölkədə növbədənkənar parlament seçkilərinin keçirilməsi üçün hökumətin yeni sədrini seçməyəcəklər.

İlk dəfə parlamentin millət vəkilləri mayın 3-də keçirilən xüsusi iclasda ölkədə növbədənkənar parlament seçkilərinin keçirilməsi üçün N.Paşinyanın baş nazir vəzifəsinə namizədliyinin əleyhinə çıxmışdılar.

Parlament üzvləri bu dəfədə Nazirlər Kabinetinin yeni rəhbərini seçməsələr, respublikanın qanunverici orqanı buraxılacaq və ölkə prezidenti Armen Sarkisyan yeni seçkilərin tarixini təyin edəcək.

Məqalədə:
Xəbər lenti

Xəbər lenti