Meksikada avtobus dərəyə aşıb, 23 nəfər yaralanıb
Bakı. Trend:
Meksikanın Çyapas ştatında avtobus qəzasında ən azı 23 nəfər yaralanıb.
Trend-in məlumatına görə, bu barədə fövqəladə hallar üzrə regional idarəsində bildirilib.
Məlumata əsasən, nəqliyyat vasitəsi Emiliano-Sapata bələdiyyəsi yaxınlığında dərəyə aşıb.
Hakimiyyət orqanları vəziyyəti ağır olaraq qiymətləndirilən yaralıları təxliyyə etmək üçün helikopterləri cəlb ediblər. İlkin məlumata görə, qəzaya səbəb avtobusun nasaz olması olub.
