Bakı. Trend:
İsveçin xarici işlər naziri Ann Linde ölkənin NATO-ya üzvlüklə bağlı müraciətini imzalayıb.
Trend-in məlumatına görə, bunu nazir öz açıqlamasında deyib.
O bildirib ki, İsveçin üzvlük müraciəti Finlandiyanın analoji müraciəti ilə eyni zamanda təqdim olunacaq.
A.Linde sənədin baxılmasının və ratifikasiyasının bir ilədək davam edə biləcəyini deyib.
Qeyd edək ki, İsveçin NATO-ya üzvlüklə bağlı müraciəti ötən gün hökumət tərəfindən qəbul edilib.