Bakı. Trend:
ABŞ-ın Corciya ştatının Atlanta şəhərində atışma nəticəsində azı bir nəfər ölüb, beş nəfər yaralanıb.
Trend-in məlumatına görə, bu barədə yerli "FOX 5 Atlanta" telekanalı xəbər verib.
Məlumata əsasən, hadisə şənbə günü saat 20:00-da (bazar günü saat 05:00-də GMT+4) 17-ci küçə körpüsünün yaxınlığında baş verib. Atlanta polisinin şöbə rəisi Cermeyn Dirlav bildirib ki, bir nəfər hadisə yerində ölüb, beş yaralı xəstəxanaya aparılıb.
Hadisə ilə bağlı araşdırma aparılır.