Bakı. Trend:
Həm paytaxtın özünü, həm də ona bitişik Omdurman və Bahri şəhərlərini əhatə edən Sudanın Xartum vilayətinin hakimiyyəti təhlükəsizlik sahəsində gərgin vəziyyəti ilə əlaqədar şənbə günü növbəti günləri qeyri-iş günləri kimi elan edib.
Trend-in məlumatına görə, bu barədə "Al Hadath" televiziya kanalı xəbər verib.
Məlumata əsasən, Xartum vilayətində bazar günündən etibarən qeyri-iş günləri müəyyən edilir. Bildirilib ki, belə bir qayda vilayət hakimiyyət orqanlarının növbəti xəbərdarlığına qədər qeyri-müəyyən müddətə qüvvədə olacaq.
İstisnalar yalnız "böhranların idarə edilməsi xidməti və şəhər iqtisadiyyatının həyati sahələri" üçün edilib.