Bakı. Trend:
2023-cü ilin yanvar-iyun aylarında Qazaxıstan vətəndaşları Türkiyədə 142 daşınmaz əmlak satın alıblar. Bu da keçən ilin eyni dövrü ilə müqayisədə min 176 obyekt azdır.
Trend-in məlumatına görə, bu barədə TurkicWorld-ə Türkiyənin Torpaq Kadastrı və Daşınmaz Əmlak Alqı-Satqısı üzrə Dövlət orqanından məlumat verilib.
Məlumata görə, bu ilin iyun ayında Qazaxıstan vətəndaşları Türkiyədə 747 daşınmaz əmlak alıblar ki, bu da 2022-ci ilin iyun ayı ilə müqayisədə 670 obyekt azdır.
Qeyd edək ki, 2023-cü ilin iyun ayında Türkiyədə 83 min 636 mənzil satın alınıb. 2022-ci ilin iyun ayı ilə müqayisədə 44,4 faiz azdır. Məlumata görə, 2023-cü ilin yanvar-iyun aylarında Türkiyədə 565 min 779 mənzil satın alınıb.
"Bu göstəricilər 2022-ci ilin eyni dövrü ilə müqayisədə 22,1 faiz azdır", - deyə nazirlikdən qeyd edilib.
2023-cü ilin iyun ayında Türkiyədə xarici vətəndaşlara 2 min 625 mənzil satılıb, bu da 2022-ci ilin eyni dövrü ilə müqayisədə 69,6 faiz azdır.
Eyni ilin yanvar-iyun aylarında əcnəbi vətəndaşlar Türkiyədən 19 min 275 mənzil alıblar ki, bu da keçən ilin eyni dövrü ilə müqayisədə 45,5 faiz azdır.