Bakı. Trend:
Rotterdam Erasmus Universitetinin yaşayış binası və tibb mərkəzində baş verən atışma nəticəsində azı üç nəfər həlak olub.
Trend-in Hollandiya polisinə istinadən verdiyi məlumata görə, polis atəş açan şəxsin motivinin hələ müəyyən edilmədiyini bildirib. Şübhəli şəxs - atışma baş verən universitetin 32 yaşlı tələbəsi saxlanılıb.
Şəhər polis idarəsinin məlumatına görə, yerli vaxtla saat 14:00 radələrində bir nəfər yaşayış binasında, daha sonra isə tibb məntəqəsində atəş açıb. O, hər iki binada da yanğın törədib.