Bakı. Trend:
Qəzzada görəcəyimiz çox iş var.
Trend TurkicWorld-a istinadən xəbər verir ki, bu barədə Türkiyə Səhiyyə naziri Fahrettin Koca deyib.
Səhiyyə naziri Fahrettin Koca Qəzzaya kömək etmək üçün Misirə gedən qrupla bağlı açıqlama verib.
"20 nəfərlik komandamızı Misirin Səhiyyə Naziri cənab Xalid Abdel Qaffar qarşıladı. Daha sonra Qəzzadakı fəaliyyət üçün əməkdaşlıq görüşü keçirilib” – deyə Koca bildirib.
Koca qeyd edib ki, Misir Qəzza məsələsində Türkiyə ilə başlatdığı əməkdaşlıq prosesinə müxtəlif səbəblərdən Türkiyədən başqa heç bir ölkə və ya beynəlxalq təşkilatla üstünlük verməyib.
Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını bildirib.
İsrailin Qəzza zolağına etdiyi hücumlarda 1661-i uşaq olmaqla, 4 min 137 nəfər həyatını itirib, 13 min 260 nəfər yaralanıb.