Bakı. Trend:
Fələstin Qızıl Aypara Cəmiyyətinin Qəzza zolağında Xan-Yunis şəhərindəki qərargahı atəşə tutulub, bir neçə nəfər yaralanıb.
Trend xəbər verir ki, bu barədə təşkilat özünün "X" sosial şəbəkəsindəki hesabında məlumat yayıb.
"Fələstin Qızıl Aypara Cəmiyyətinin Xan-Yunisdəki qərargahının üst mərtəbələri artilleriya atəşinə məruz qalıb, müvəqqəti olaraq qərargahda yerləşdirilən bir neçə nəfər yaralanıb", - məlumatda deyilir.
Təşkilatın məlumatına görə, binada minə yaxın qaçqın yerləşdirilib.