Bakı. Trend:
"Falcon Heavy" raketi ABŞ Kosmik Qüvvələrinin "X-37B" təkrar istifadə oluna bilən pilotsuz kosmoplan ilə birlikdə orbitə buraxılıb.
Trend-in məlumatına görə, bu barədə "SpaceX" şirkəti bildirib.
Buraxılışıb Florida ştatındakı Kanaveral burnunda yerləşən ABŞ Kosmik Qüvvələrinin "39A" buraxılış kompleksindən cümə axşamı, Şərq vaxtı ilə saat 20:07-də baş tutub.
"X-37B"nin missiyaları gizli saxlanılır. ABŞ Kosmik Qüvvələri yalnız "USSF-52" missiyasının məqsədinin "geniş diapazonda sınaqlar və təcrübələr" keçirmək olacağını bildirib.