Bakı. Trend:
İsrail Hərbi Hava Qüvvələri Suriyanın paytaxtı Dəməşqə raket zərbəsi endirib.
Trend xəbər verir ki, bu barədə "Al Ikhbaria" kanalı məlumat yayıb.
Bildirilib ki, zərbələr Dəməşqin cənub-qərbində yerləşən Kfar-Susa yaşayış rayonuna endirilib.
"Associated Press" agentliyinin verdiyi məlumata görə, bölgədəki İran məktəbinin yanında yerləşən bina zərbələrə məruz qalıb, xəsarət alanlar var.