...

Hindistanda avtomobilin dərəyə aşması nəticəsində 15 nəfər öldü

Dünya xəbərləri Materials 29 Fevral 2024 11:39 (UTC +04:00)
Hindistanda avtomobilin dərəyə aşması nəticəsində 15 nəfər öldü

Bakı. Trend:

Hindistanın mərkəzi hissəsindəki Madhya Pradeş ştatında sərnişin daşıyan pikap avtomobilinin idarəetmədən çıxaraq dərəyə aşması nəticəsində azı 15 nəfər ölüb, təxminən 20 nəfər xəsarət alıb.

Trend Hindistan mediasına istinadən xəbər verir ki, ştatın Biçhiya qəsəbəsi ərazisində baş verən qəzada ölənlər toyqabağı mərasimdən qayıdan eyni kəndin sakinləridir.

Onlardan 5-i qadın, biri uşaqdır. Xəsarət alanlar yaxınlıqdakı tibb ocaqlarına yerləşdiriliblər. Onlardan 6 nəfərinin vəziyyəti ağırdır.

İlkin təhqiqata əsasən, qəzaya sürücünün idarəetməni itirməsi səbəb olub. Hindistan Prezidenti Droupadi Murmu və Baş nazir Narendra Modi insan tələfatı ilə əlaqədar başsağlığı veriblər.

Qeyd edək ki, Hindistan dünyada nəqliyyat qəzalarında ölüm hallarının ən yüksək olduğu ölkələrdən biridir. Qəzaların əksəriyyəti ehtiyatsız idarəetmə, yolların baxımsız, nəqliyyat vasitələrinin köhnə olması səbəbindən baş verir.

Xəbər lenti

Xəbər lenti