Bakı. Trend:
İsrail ordusu “Hizbullah” təşkilatının icra şurasının rəhbəri Haşem Safiuddinin öldürüldüyünü rəsmən elan edib.
Trend xəbər verir ki, o, hərəkatın sabiq lideri Həsən Nəsrullahın öldürülməsindən sonra baş katib postuna əsas namizəd hesab edilirdi.
Safiuddin oktyabrın 3-də Beyrutdakı Dahiya bölgəsində bunkerə endirilən zərbə zamanı öldürülüb. Xilasedicilər dağıntıları təmizləyərkən Safiuddinin rəhbərlik etdiyi toplantıda iştirak etmiş “Hizbullah”ın 23 üzvünün meyitini dağıntılar altından çıxarıblar.